Dé Reality-Soap van de Nieuwe Strijkmobiel N.V.

E-mail-adres:

Nickname op Surfchat: Homepage:

Leeftijd: Geslacht: Man

Lengte: Gewicht (droog gewogen): Haarkleur:

Roker - Ik kan zwemmen

Liefdesleven: Vrijgezel

Voorkeurchampagne: Vranken

Waarom ik deelneem: Wel kiekt neki. in oal die zukke komiekke spelletjes op de tilleviezje. kiekt tzien oltied ollanders of antwerpenoars die doaran meedoen. en van die komiekke wuuvers die in jambers kommen. moa ne rasechte boer vanuut de westvlamsche kliette. da etter nog noois meegedoan. en woarom nie vraagje. awel kgont je neki explikeern si. omda ne boer zogezeit niet te vertellen et en te dom is voe ooi te freten. en das nie juste want ik eetn gin ooi das blanche me peird die da doet. en zeg nu zelve kzien toch goe bezig éé me klappen. kiek noa boer sjarrel dedeen et toch ook gemakt. en ik zien ook vriegezel. dus zeiek tegen blanche. das me peird da juste moa ooi fret. dak neki de leute vamme leven wilde maakn en in da bad willn stappen. en noirette. das men ander peird da juste moa vas gras wil eetn. noirette zei huuuuuhuuuuuu. en da wil zeggen doe moa marcel kgon ik wel gras eetn en blanche moe ook moa gras eetn in plekke van ooi. dus zeiek ton in mezelven. marcel zeiek stapt in da bad noirette goa blanche wel vas gras leirn eetn. en dus woarek grust want me beisten kunn under plan trekken. Men méétje Bertha van Overboelare goa wel kommen kiekken voemme kiekkens en me blommen osse were is van benidorm. wantz et ticketten gekregen vamme dak gewonn en in de tombola van zevekote te voordeile van de misbruukte kiendertjes van de klub van ex priapisme liedders. dus zeiek tegen mezelven marcel zeiek schrief je mor in.

Mijn sterke kanten: Ikke kunn goe zwemmen. ken nog noois in e bad gezeten. das dus e nieuwe experiensje voe mien. moa kunn wel zwemmen want ken nog noirette. das me peird da vas gras eit in tegenstellienge toe blanche. das men ander peird. da juste moa ooi fret. wa woarek nu ant vertellen. aja ke kunn wel bitje zwemmen want ken noirette osse pas geboren was neki moen redden uut de vispit woadasse was ingevollen omdasse peisde da eur moeder polle die ne kruuschienge is tuschen nen ezel en ne koerspeird. dus omdasse peisde da polle in da woater zat. moa twas polle nie twas tspegelbeeld van noirette. me peird da juste moa vas gras fret. en baffe ze lag in da woater. en ken der moen achterspriengen anders ging ze verzuuppen. en zeg nu zelve ne verzopen peird is toch ook gin goe peird éé. awel ken der achter gesproengen en kenze deruut hoalt. en azoo zienk tewete gekommen dak koste zwemmen.

Mijn zwakke kanten: kzien nie echt gin grote verteller.