 |
|
1.Thaum nrog luag nyob niam ua heev hlo, thaum ncaim npho tsis muaj tshais hmo |
|
2.Thaum nrog luag nyob niam muab muab hlob, thaum ncaim npho tsis muaj tshais hmo nrog luag xob |
|
3.Me nyuam sib ceg vim sib thab, niam txiv sib ceg vim nqaij ncej qab |
|
4.Kwv tij sib ceg vim dab rooj txuas, niam txiv sib ceg vim kev ua hluas |
|
5.Neeg zoo ntshai tsam tau ua ntsuag, neeg phem ntshai tsam ho tuag |
|
6.Hmoov phem tau kev ntsuag, hmoov pluag tau kev tuag |
|
7.Muaj nyuag yuav txaij plab, muaj tub yuav nrhiav nyab |
|
8.Txaij plab ces yog muaj nyuag, siav tu ces yog tuag |
|
9.Niam txiv txib tias mob mob, qau txib ces khiav nce toj qob |
|
10.Niam txiv txib tias nkees nkees, qau tsib mas khiav se roob lees |
|
11.Cob tias yuam ua qhev,ua tsis kam tias yuam ua dev |
|
12.Ntsia pob tw ntxim hlub,ntsia ntsej muag ua cas ntxim ntxub |
|
13.Ntsia pob tw ntxim hno,ntsia ntsej muag ua cas ntxim nto |
|
14.Paum cia kom muaj tswv,tuag thiaj muaj tus kwv |
|
15.Txhob cia paum rau lwm tus ua ,tsam tuag tsis muaj tus ntoj dab tu qhua |
|
16.Mloog niam tais yawm txiv cob, ces tsis muaj chaw nrop luag nyob |
|
17.Txiv huab txhib txi 2 hlis ces muaj ntsev, txiv neej 14 xyoos ces muaj phev |
|
18.Txiv huab txhib txi 3 hlis ces qoos hlaws, poj niam 13 xyoos ces pib coj khaub ncaws |
|
19.Npo pa ces plawv ntoj, plees tshis ces plab loj |
|
20.Plob hau caws luag tias lauj vaub, poj niam muaj me nyuam tsis muaj txiv ces luag tias tsaub |
|
21.Pom nyiaj poob tsis zoo lam khaws, pom luag poj zoo txhob thab tsam maj phom npaws |
|
22.Pom luag poj zoo txhob lam tuav, pom luag poj zoo thxob thab tsam sav duav |
|
23.Nplooj zeeg ces kav qhuav, nrauj txiv ces ua neej nyob khuam ntab khuam ntuav |
|
24.Ntoo qhuav ces luag tias laus, nrauj txiv tag ces luag tias peb mus txiag leeg qaus |
|
25.Thaum ntej sib cav, ua ntau ces tawm ntshav |
|
26.Txhob deev luag li tsam mag khi, txhob deev luag poj tsam raug ploj |
|
27.Thaum hlub mas hais zoo zoo, thaum phem mas ua cuag xob nroo |
|
28.Zoo mas xav kom ob leeg noj, phem mas xav kom ib tug ploj |
|
29.Zoo mas ob leeg luag, phem mas xav kom ib tug tuag |
|
30.Thaum zoo ciaj tuag los yuav yuav, thaum phem mas ua zaj ua ntxeev dhuav |
|
31.Thaum zoo ciaj tuag los yuav hlub, thaum phem mas ua zaj ua ntxeev ntxub |
|
32.Txawj noj ces tsau plab, tsis txawj noj ces raws plab (mob cab) |
|
33.Txawj noj ces noj hlob, tsis txawj noj ces noj ua mob ( cob pob ) |
|
34.Thaum zoo tias kuv hlub koj, thaum phem mas xav ua kom poob qab choj |
|
35.Nyuj laug nyuj kub kawb, nkauj laug nkauj ntxim tawb |
|
36.Nyuj laug nyuj kub ntse, nkauj laug nkauj ntxim de |
|
37.Qaib tsim qaib qua, nkauj tsim nkauj sawv sib ua |
|
38.Qaib tsim qaib qhoob, nkauj tsim nkauj sawv sib tsoob |
|
39.Thaum nrog luag nyob niam ua thaj loj loj, thaum ncaim npho tsis muaj pluas noj |
|
40.Cuaj lub hnub qub ci tsis cuaj lub hli, 9 leeg tub tsis cuag ib leej txi |
|
41.Luag tsis yeem txhob muab luag pus, luag tsis kheev yuav tsum txhob mus |
|
42.Muab tsis thov luag tias ua tub sab, muaj npe tsis muaj cev luag tias yog dab |
|
43.Tub ntsoj tsis ploj,tub ntsuag tau zoo poj ntxais ntsuag tsis tuag ntxhais ntsuag tau zoo hluas |
|
44.Plob hau ntxhov yuav yuav zuag ntsis, plaub ntuj ntxhov yuav yuav txwj laug ris |
|
45.Tub ntsoj tau zoo poj, ntxhais ntsuag tau zoo hluas |
|
46.Kws ntaus phom ho tua hneev, neeg dig muag ho txhawj luj teev |
|
47.Dab tsev tsis zoo thiaj cia dab qus ntxias, nyab tsis zoo nyab thiaj tsoo yias |
|
48.Dab tsev tsis zoo thiaj cia dab qus haub, nyab tsis zoo nyab thiaj tsoo lauj kaub |
|
49.Nrog cov laus dab tsis hem, nrog cov nom luag tsis cem |
|
50.Khiav nab ntsib qav, khiav dab ntsib tog cav, khiav tog cav zom pas av |
|
51.Cuaj lub cub tawg sov tsis cuag ib lub hnub, cuaj leeg ntxhais zoo tsis cuag ib leeg tub |
|
52.Hais txog kev lom zem xav luag, hais txog kev txom nyem xav tuag |
|
53.Xav tau zoo los tau phem, xav taug kev ncaj los tau taug kev lem |
|
54.Tub nkeeg ntsib kev pluag, vuab tsuab ntsib kev mob tuag |
|
55.Tub nkeeg ntsib teb fab, vuab tsuab ntsib kev raws plab |
|
56.Muaj mob thiaj nrhiav tshuaj, muaj ploj tuag thiaj nyiav quaj |
|
57.Ntiaj teb ceeb tsheej nyob nruab siab, ntuj ceeb tsheej nyob yeeb yaj kiab |
|
58.Thaum siav tu ces luag tias tuag, thaum nyiaj tu ces luag tias pluag |
|
59.Tub pluag tau tsiaj tuag, tub sab tau kev tuag |
|
60.Tsim tub ntsoj ces khaum ploj, tsim tub ntsuag ces khaum tuag |
|
61.Qoob tsis zoo tsuas plam ib cim, poj niam tsis zoo ces plam tag ib sim |
|
62.Npav tswv yim yuav cov laus, npav sib cav yuav cov me yau |
|
63.Pob txha muaj chaw to, niam txiv muaj chaw nco |
|
64.Tsis yog luag nom luag yeej tsis xav hawm, tsis yog luag kwv tij luaj yeej tsis xav cawm |
|
65.Tsis yog luag kwv tij luag yeej tsis hlub, tis yog luag tug luag yeej tsis rub |
|
66.Pom tsov yuav tuag, pom nom yuav pluag |
|
67.Zom zeb mob tes tuav cos mob taw, ris dej mob nrab qaum noj mov nkaus diav maum |
|
68.Tso nyuj kom txog tshav zaub, tso txhuv kom txog lauj kaub |
|
69.Tsov qav nyob nras tiaj, twm qav nyob nras liaj |
|
70.Txhob ua nplaum xyaw txua, txhob ua ntsiab xyaw xua |
|
71.Lus ntxhov cuag pos ntsaj, plaub ntxhov cuag plaub yaj |
|
72.Nag los peb kob ces av ua kwj, dais tuag peb hnub ces dais lwj |
|
73.Teem dej peb hnub ces dej muaj txo, tseb cej peb hnub cej tuaj nto |
|
74.Teem mov peb hnub ces pom tuaj pwm, cog npej peb hnub ces pom tswm |
|
75.Pom qhov zoo ho yuav taum, pom qhov phem ho yuav nkaum |
|
76.Ua ruam thiaj tau zov luag tsev, ua ntse ces tau ua luag qhev |
|
77.Ua ruam ces tua zov vaj, ua ntse ces tau ua luag tub tshab phaj |
|
78.Tus nkeeg qhia npaum twg los tsis nquag, tub nquag ua npaum twg los tsis tuag |
|
79.Tub nquag khiav khawv khuav, tub nkeeg tsiam lov duav |
|
80.Cem nom nom nplua, cem ruam ruam caum tua |
|
81.Ua lag luam yuav saib hmoov, tsham tua nqaij yuav saib zoov |
|
82.Qaib sis ua tsis nyog qaib dib, zaub mos ua tsis nyog zaub tsib |
|
83.Pom txiv qaub tsis los qaub ncaug ces yuav tuag, pom nyiaj txiag tsis ntshaw yog yuav sawm pluag |
|
84.Noj mov qab vim qaub ncaug, mus kev zoo vim pob hauv cuag |
|
85.Pw lig li plas, sawv ntxov li uab lag |
|
86.Tub nquag ces rau siab ntso, tub nkeeg ces muaj quav tso |
|
87.Roob ris tuag vim roob ris lub qhov, zaj tuag vim zaj lub pov |
|
88.Tau poj niam zoo, zoo siab tam tau txhab qoob loo |
|
89.Nrhiav tshuaj nrhiav thaum tshuaj tsis tau tsw, nrhiav nas tsuag nrhiav thaum tsis tau muaj tshws (miv) |
|
90.Yuav zoo zoo tus xub muaj, yuav ntsib ntsib tus xub tuaj |
|
91.Mov kuam qab tsis cuag mov nplej, cov tom qab zoo tsis cuag tus ua ntej |
|
92.Dev ua tus kwv los qaib ua tus kwv khiav, lauj ua tus tuav los xis ua tus txiav |
|
93.Iab qab xws ncuav cej, qab qaub xws txiv quav ntsej |
|
94.Tub qaug neej yuav dej yuav cawv, tub qaug dab yuav xyab yuav ntawv |
|
95.Dab tau tus pa ncho, neej tau tus nqaij hno |
|
96.Nkauj nyob ces sov zos, nkauj ua nyab tas ces tsov los |
|
97.Mus xyuas luag ntsia taw ntsuab, luag tuaj tsis muaj dab tsi ces khawb xub puab |
|
98.Tsov neeg coob tsis muaj nyiaj, tsev qoob ntau tsis muaj tsiaj |
|
99.Muaj tsawg nyuaj tus faib, muaj ntau nyuaj tus saib |
|
100.Cem yuav cem kom nrog lus, hais yuav hais lo lus kom tus |
|
101.Thaum yuav ua yuav tsum tuav xam, ua tau thiaj tsis plam |
|
102.Ntshai zeej xeeb tsis pheej thiaj tsim teev tsheej, ntshai tim fab tsis pheej thiaj tsim thawj zeej |
|
103.Pom tom sab ces ywj xab yeeb, pom tom kab ces kab feeb |
|
104.Ua niam txiv ces kev noj kev hnav, yuav sib pab coj sib pab tsav |
|
105.Tub sab luag tsis pom ces tau zoo muab, luag pom ces tau coj cuab |
|
106.Tub sab luag tsis pom ces tau zoo daus, luag pom ces mag coj cuab mob laug |
|
107.Tub ruag peem siav tuag, tub txawg dim chaw muag |
|
108.Niam tshuab ntuag txiv qaiv ntxaiv, niam mloog txiv qhuab txiv mloog niam hais |
|
109.Hlais nqaij ntshaw zoo riam, ua neej nyob ntshaw zoo poj niam |
|
110.Thaum luag noj tsis nrog luag noj, luag noj tas ces ua dev yaim roj |
|
111.Thaum luag tsaj tsis nrog luag tsaj, luag noj tas ces ua dev nuam yaj |
|
112.Cauj ntau tau kuas haus, ua phem ces mag luag ntaus |
|
113.Txuag siav ces siav ntev, txuag nyiag ces muaj khaws cia hauv tsev |
|
114.Tuaj hwj txwv thiaj muaj hwj chim, plab loj thiaj muaj tswv yim |
|
115.Tsis saib lub dej los saib lub lwg, tsis saib tus meej los saib tus tswg |
|
116.Kua txob ntsim yuav ntsev daw, poj niam phem yuav ncaws taw |
|
117.Qiv luag toj yug yaj, qiv luag tais rau tshais, qiv luag ncauj hais zaj, qiv luag xaiv hais cai |
|
118.Ua quav nyuj puab plawv, tshav ntuj ces ua quav nyuj nti li zawv |
|
119.Ua nyab thiaj pom qab, ua sev thiaj pom kev |
|
120.Paj tsis tawg txiv tsis txi, nkauj tsis rog nraug tsis ntxhis |
|
121.Thau me tub nkeeg kawm ntawv, loj los yuav tau thov khawv |
|
122.Luj tuag tu noob, tshuav tug nyob qab roob, tsuag tuag tu tsav, tshuav tug nyob qab ha |
|
123.Tsov yog tsav tom tsiaj, twm yog tsav laij liag |
|
124.Nyuj yog tsav luag tsheb, twm yog tsav laij teb |
|
125.Noj qav yuav rau ntsev, ua neeg yuav siab ntev, |
|
126.Noj qav yuav rau roj, ua neeg yuav tsum siab loj |
|
127.Vuab tsuab luag cem piv ntsoog, tub nkeeg luag cem piv pob ntoos |
|
128.Kev fab thev taug, neeg txom nyem thev laus, |
|
129.Kev fab thev khiav, neeg txom nyem thev siav |
|
130.Qhiav laus qhiav ntsim, txus laus txus muaj tswv yim, |
|
131.Qhiav laus qhiav daw, txus laus txus ntshaw |
|
132.Ntsuag yim laus yim iab, niam txiv yim laus yim mob siab, |
|
133.Ntsuag yim laus yim daw, niam txiv yim laus yim mob plaw |
|
134.Nyuj ntsuag tsis tuag nyuj ntsuag hlob tiav pwj, tub ntshuag tsis tuag tub ntsuag hlob ciaj xeev txwj |
|
135.Qaib ntsuag tsis tuag qaib ntsuag hlob tiav lau, tub ntsuag tsis tuag tub ntsuag hlob ciaj hau |
|
136.Thaum me tub nkeeg kawm ntawv, laus los ces yuav tau thov khawv |
|
137.Tub pluag coj tub luam kev, tus qhua coj tswv tsev |
|
138.Tub pluag coj tub luam kab, tus qhua coj tswv tsab |
|
139.Txhob vam zoo yav tom ntej, muab kev tub nkeeg los sej |
|
140.Txhob vam zoo yav laus, muab kev tub nkeeg los tsaus |
|
141.Dev coob dev tom yaj, nkauj coob nkauj hom khaj |
|
142.Dev coob dev tom nees, nkauj coob nkauj tsab kev plees |
|
143.Raws qab luag nom, dev thiaj tsis tom |
|
144.Raws cov hlob qab, dev yuav tom luag thiaj pab |
|
145.Leej tub tam leej txi, leej txi tam lub hli |
|
146.Leej tub tam tam hnub qub, leej txi tam lub hnub |
|
147.Neeg ntse hais yog, neeg nquag tsis khib zog |
|
148.Neeg ntse hais tseeb, neeg nquag tsis khib xeeb |
|
149.Ib lub zoov yuav tsum muaj ib tug tsov, ib lub qhov txos yuav tsum muaj ib tug miv zov |
|
150.Ib lub tshuaj khib yuav tsum muaj tus qws txob, ib lub qhov txos yuav tsum muaj tug miv nyob |
|
151.Txog toj cia toj nphau, txog nom cia nom hau |
|
152.Txog toj cia toj pob, txog nom cia nom txhob |
|
153.Tsis muaj zoo rooj los lam nyob, tsis muaj zoo yeeb los lam xob |
|
154.Tsis muaj zoo rooj los lam zaum, tsis muaj zoo yeeb los lam haus |
|
155.Xav ua neej nyob nqaj nto ntuj ploog nto ntsis, nyob ib txhiab txog ib txhis |
|
156.Xav ua neej nyob kom cheb qab yiag qawj plag tse to, nyob kom muaj koob muaj npe nto |
|
157.Yuav tau noj tsis tas ua qoob, yuav muaj nyuag tsis tas siv zog tsoob |
|
158.Yuav tau noj tsis tas coj zog nruj, yuav tau noj tsis tas siv zog npuj |
|
159.Muaj ntuj thiaj muaj teb, muaj niam muaj txi thiaj muaj peb |
|
160.Muaj av thiaj xeeb ntsuag, muaj niam muaj txi thiaj muaj nyuag |
|
161.Nyuj hlob nyuj kub ntse, tub hlob tub qau plhe, |
|
162.Nees hlob nees kaus zuag, ntxhais hlob ntxhais paum ntuag |
|
163.Ntoo laus ntoo khoob, neeg laus neeg tem toob |
|
164.Ntoo laus ntoo to qhov, neeg laus neej hnem hnov |
|
165.Nkauj niam txib nkauj tuav cos, nkauj zaum ntsej dai qas nyos |
|
166.Nkauj niam txib nkauj tuav txhuv, nkauj zaum ntsej dai qas ncuv |
|
167.Thaum nkauj seev yees txoj ke plees, mas nkauj mam khiav plob hau ntseg ntsees |
|
168.Thaum nkauj seev yees txoj ke yuav vauv, mas nkauj mam ntxuaj vab nrov pauv |
|
169.Ua neej nyob xav ciaj tsis xav tuag, xav muaj tsis xav pluag |
|
170.Ua neej nyob xav noj qab tsis xav noj tsuag, xav hnav zoo tsis xav hnav ntuag |
|
171.Ua neej nyob siab ncaj dhia dhau nkuaj,noj qab nyob zoo los dhia tsis dhau tshuaj |
|
172.Ua neej nyob siab ncaj dhia dhau cuab,noj qab nyob zoo los dhia tsis dhau hauv tshuaj ntsuab |
|
173.Muaj qoob loo noj thawm niaj,luag thiaj qhuas tias tub sawm txhiaj |
|
174.Muaj qoob loo noj thawm xyoo, luag thiaj qhuas tias muaj hmoo |
|
175.Tsis muaj qoob luag tias nroj, tsis muaj niam muaj txi luag tias ntsoj |
|
176.Tsis muaj nyiaj luag tias pluag,tsis muaj niam muaj txi luag tias ntsuag |
|
177.Ua qoob yeej muaj nroj, ua neej nyob yeej tsis dhau kev ntsoj |
|
178.Ua qoob yeej muaj npluag,ua neej nyob yeej tsis dhau txoj kev ntsuag |
|
179.Ib re nplej muaj tsaj 3 lub npluag, ib tug nkauj muaj tsaj 3 tug hluas |
|
180.Ib re nplej muaj tsaj 3 lub noob, ib tug nkauj muaj tsaj 3 tug hmoob |
|
181.Ua tsev txhaum laj nyob txog hnub puas, yuav tau poj phem laj ua neej txog hnub laus tuag |
|
182.Ua tsev txhaum laj nyob txog hnub vau, yuav tau poj phem laj ua neej txog hnub laus |
|
183.Niam txiv zoo yog sib hlub,niam txiv phem ces yog sib ntxub |
|
184.Niam txiv zoo ces sib nyiam, niam txiv tsis zoo ces yog sib tshiam |
|
185.Peb suab qhuas zoo dua saub kho,peb tug tes zoo dua ib tug ko |
|
186.Peb suab qhuas zoo dua saub saib, peb lub qe ntxias zoo dua ib lub qe qaib |
|
187.Taum lag taum lig ua quav ntsooj, tub lag tub lig ua luag puab rooj |
|
188.Taum lag taum lig ua quav nas, tub lag tub lig ua luag puab puab ntsa |
|
189.Txhob cem neeg loj leeb, txhob thuam neeg quav yeeb |
|
190.Txhob cem neeg thov khawv, txhob thuam neeg ceg tawv |
|
191.Yuav cem mus cem dab, yuav txhom mus txhom tus tub sab |
|
192.Txus muaj txus khwv ntxiv, txus pluag txus xav siv |
|
193.Npav txiaj tau kev pluag, npav ntuj tau kev pluag |
|
194.Npav zoo tau kev phem, npav tuag tau kev txom nyem |
|
195.Nplij niam nplij txiv thiaj tau ntuj ntoo, nplij tub nplig roog thiaj tau zoo |
|
196.Nplij niam nplij txiv thiaj tau kaus coj, nplij tub nplig roog thiaj tau noj |
|
197.Txiv tsev ces tam kaus roos tshav, qoob loo ces tam qhov hnav |
|
198.Txiv tsev ces tam kaus coj, qoob loo ces tam qhov noj |
|
199.Hwm poj tub se thiaj tau kaus roos, hwm dab qhuas thiaj tau neej nyob laus nkaus |
|
200.Hwm poj tub se thiaj tau kaus coj, hwm qoob loo thija tau noj, |
|
201.Hwm poj tub se thiaj taus kaus roos tshav, hwm nyiaj txiag thiaj tau hnav |
|
202.Tub sab yuav nyiag yog nyiag thaum pw, cheb tsev chev thaum sw |
|
203.Tub sab yuav nyiag yog nyiag thaum tsis nyob, nrhiav tshuaj nrhiav thaum mob |
|
204.Tsiaj ploj luag thiaj nrhiav, muaj ploj muaj tuag luag thiaj nyiav |
|
205.Tsiaj ploj luag thiaj tshuaj, muaj ploj muaj tuag luag thiaj quaj |
|
206.Noj nqaij yuav yuav rawg tais, ua neej yuav yuav luag hais |
|
207.Noj nqaij yuav yuav rawg muab, ua neej yuav yuav luag qhuab |
|
208.Thaum mos liab niam txiv tos nrhuv tub tsis txawj luag |
|
209.Thaum tub hlob tus tos nrhus niam txiv tsis txawj tuag |
|
210.Thaum mos liab niam txiv tos nrhuv tus tsis txawj loj |
|
211.Thaum tub hlob tus tos nrhus niam txiv tsis txawj ploj |
|
212.Nas tias nas nyob qhov av, plis kuj nyob chaw dav |
|
213.Nas tias nyob nyob qhov zeb, plis kuj nyob chaw deb |
|
214.Dev yeem taw tsev, npuas yeem taw tsua |
|
215.Npua yeem noj xua, dev yeem noj quav |
|
216.Tsov txaij nraum daim tawv, tib neeg txaij hauv lub plawv |
|
217.Tsov txaij nraum daim xiav, tib neeg txaij hauv lub siab |
|
218.Txhob tuav txog ntsooj npe, ntsooj nyob nraum kwj tse |
|
219.Txhob tuav txog ntsooj, ntsooj nyob nraum zoov |
|
220.Yuav nkauj mog ua poj niam, yuab kav tsawb ua ko riam |
|
221.Yuav tub hlua ua hau, yuav quav kws ua ko hlau |
|
222.Txhawj mob yog txhawj tsam tuag, txhawj neej yog txhawj tsam pluag |
|
223.Txhawj mob yog txhawj tsam tsis zoo, txhawj qoob yog txhawj tsam noj tsis dhau xyoo |
|
224.Thaum nplua, nplua cuag nej huv npua, thaum xem xem cuag xua |
|
225.Thaum mos mos cuag ntaub tsuj, thaum ntxhib ntxhib cuag plab nyuj |
|
226.Tsov dig muag xua tau ntiv qhiav, liab dig muag xua tau txiv siav |
|
227.Dais dig muag xua tau ntxiv qos, sai dig muag xua tau zaub mos |
|
228.Ua tau tsev zoo ntoo, yuav tau poj niam pom hluas nkauj zoo |
|
229.Phua tau ntoo pom zoo txuas, yuav tau txiv pom zoo hluas |
|
230.Tsis ciaj cuab ces yog mab dub, ciaj cuab lawm yuav tsum yuav sib hlub |
|
231.Tsis ciaj cuab ces yog qhua, ciaj cuab lawm yuav tsum sib tshua |
|
232.Tau niam tau txiv zoo tam tau kaus kwv, tau niam tau txiv tsis zoo tam tsiaj tsis muaj tswv |
|
233.Tau niam tau txiv zoo tam tau kaus roos, tau niam tau txiv tsis zoo tam tau poj ntxoog |
|
234.Niam txiv sib sav sib ncaim nco me tub, niam txiv ntsuag nco txog kev sib hlub |
|
235.Niam txiv sib sav sib ncaim nco me ntxhais, niam txiv ntsuag nco los lus hais |
|
236.Dig muag pom kev nruab qaig hli, lag ntseg hnov lus ntxhi |
|
237.Dig muag pom kev li hmo ntuj, lag ntseg hnov kes tawv nyuj |
|
238.Siab zuag cuag nplooj dos, siab dawb cuag plawv qos |
|
239.Siab zuag cuag nplooj nqeeb, siab dawb cuag paj yeeb |
|
240.Suab neeg nrov dua suab xob, lus phem ntsim dua kua txob |
|
241.Suag neeg nrov dua suab nroo, lus phem nrov dua lus zoo |
|
242.Tau zoo thaum yau, laus los kev txom nyem raws tau |
|
243.Thaum zoo thaum hluas, laus los kev txom nyem raws cuag |
|
244.Poj niam siab zoo los nrog tus txiv ua neej ncoo puab |
|
245.Poj niam siab phem los nrog tus txiv ua neej tsoo cuab |
|
246.Poj niam siab zoo los nrog tus txiv ua neej ncoo pu |
|
247.Poj niam siab phem los nrog tus txiv ua neej yias tsoo tsu |
|
248.Niam ncoo txiv puab txiv ncoo niam pu, niam mloog txiv qhuab txiv mloog niam hu |
|
249.Niam ncoo txiv pu txiv ncoo niam puab, niam mloog txiv hais txiv mloog niam qhuab |
|
250.Niam tshuab ntuag txiv qaiv ntxaiv, niam mloog txiv qhuab txiv mloog niam khaiv |
|
251.Niam qaiv ntxaiv txiv tshuav ntuag, niam mloog txiv khaiv txiv mloog niam qhuab |
|
252.Poj niaim ruam, cem txiv kob huam |
|
253.Poj niam khib xeeb, cem txiv loj leeb |
|
254.Tau poj niam nquag, ua neej thiaj xws luag |
|
255.Tau poj niam zoo, ua neej thiaj nto moo |
|
256.Ib ya taws ua tsis siav luaj kaub mov, ib pluag ntuag ua tsis tau ib tsos xov |
|
257.Ib ya taws ua tsis siav luaj kuab zaub, ib pluag ntuag ua tsis tau ib tsos ntaub |
|
258.Ntshaw kev noj, rau siab lub luag nroj |
|
259.Ntshaw kev hnav, rau siab lub luag av |
260.Luag hais kaum lo, tsis cuag yus qhov muag pom tso
|
261.Luag hais kaum suab, tsis cuag yus tes muab |
|
262.Kaum tus tsom, tsis cuag yus qhov muag pom |
|
263.Kaum tus hais, tsis cuag yus qhov muag pom dua ntais |
|
264.Kab coob piv rau kas, qhov muag loj piv rau plas |
|
265.Kab coob piv rau xua, neeg ruam piv rau npua |
|
266.Dev tsem dev tsis tom, luag yuav tua koj luag tsis hom |
|
267.Dev tsem dev tsis npawv, luag yuav tua koj luag tsis hawv |
|
268.Nqhis nqaij khawb nas kos xyoob, nqhis cawv ua mej koob |
|
269.Nqhis nqaij khawb nas kos, tshaib mov khawb qos |
|
270.Muab nyiaj, qhia kom tsim txiaj |
|
271.Muaj qoob loo, qhia kev tau zoo |
|
272.Txawj noj ces tsau plab, tsis txawj noj ces mob cab |
|
273.Txawj noj ces noj hlob, tsis txawj noj ces ua cob pob |
|
274.Luam zoo thawj leeg, tshoob kos zoo thawj nteeg |
|
275.Luam zoo thawj ntsug, tshoob kos zoo thawj tug |
|
276.Pluag tsis muaj chaw tau, muaj tsis siv tsis muaj chaw rau |
|
277.Pluag tsis khwv tsis muaj chaw los, muaj tsis siv tsis muaj chaw tso |
|
278.Me nyuam yaus ntshaw qe, niag laus ntshaw npe |
|
279.Me nyuam yaus ntshaw hneev, niag laus ntshaw ua xeev |
|
280.Thaum qab taub tseem yau, txhob cem qav taub hnyuv ntau |
|
281.Thaum qab taub tsis hlob qoos txhav, tseem yuav yog tus qav |
|
282.Muaj nyiaj ntau, tsis txaus ua txhab rau |
|
283.Muaj kua txob ntau, tsis txaus lauj kaub hau |
|
284.Tus tub sab, ncauj yeej ncab |
|
285.Tus tub nkeeg, ncauj yeej nreeg |
|
286.Tus tub nkeeg tsis ua, tus nquag thiaj paub txhij txhua |
|
287.Tub tub nkeeg tsis leg, tus nquag thiaj paub tsis tseg |
|
288.Deev hluas cia kev deb, yam txhom ntses qhov zeb |
|
289.Deev hluas cia kev dav, yam txhom ntses qhov cav |
|
290.Ua liaj tau taug kev dav, ua teb tau taug kev cav |
|
291.Ua liaj tau taug kev tiaj, ua teb taug zeb |
|
292.Tws ntoo xaiv piab, zoj nruas xaiv roob siab |
|
293.Ntsov ntoo xaiv taus, zoj nruas xaiv roob hlaus |
|
294.Thaum luag tsaj, yuag nrog luag tsaj |
|
295.Thaum luag tsaj txhob ua dev nuam yaj |
|
296.Thaum luag tsaws yuav nrog luag tsaws |
|
297.Thaum luag tsaws txhob ua dev zaum nte taws |
|
298.Thaum luag ua tsis nrog luag ua, thaum luag ua nrhiav kev ua ua qhua |
299.Xa nqaij rau tsov, xa dej rau zaj qhov
|
300.Xa nqaij rau hma, xa dej rau zaj ca |
|
301.Tau tsiv nyab, yam ntes roob ris rau hauv vab |
|
302.Tau tsiv sev, yam ntes roob ris rau nruab lev |
|
303.Hlub poj niam txhob tseg kwv tij |
|
304.Hlub muam txhob tseg yawm yij |
|
305.Hlub kwv tij txhob tseg leej npawg |
|
306.Hlub niam txiv txhob tseg pog yawg |
|
307.Tua tus daj txhob tseg tus dub |
|
308.Tua leej txiv txhob cia leej tub |
|
309.Tua tus daj txhob tseg tus kais |
|
310.Tua leej niam txhob cia leej ntxhais |
|
311.Nqaij qab txha txiv qab plhaub, ua neej txog nta thiaj paub |
|
312.Txiv qab plhaub nqaij qab txha, yuav paub yog thaum ua neej txog nta |
|
313.Yuav nco ntsoov txog txiv zoo plhaub nqaij zoo txha |
|
314.Muaj hnub tshav ntuj nrig nram qab ha |
|
315.Yuav nco ntsoov tawv txha txiv tawv noob |
|
316.Tsam muaj hnub tshav ntuj nrig nram qab roob |
|
317.Ua neej nyob txhob xav ruam li npua |
|
318.Koj lub neej tom ntej nyob khuam ntuv npoo tsua |
|
319.Ua neej nyob txhob xav phem li dev |
|
320.Koj lub neej tom ntej nyob khuam ntuv li dev |
|
321.Ua siab ntev ntev tsis tau nom yau, tau nees caij los tau khau rau |
|
322.Ua siab ntev tsis tau nom los tau nom me, tsis tau noj los tau noj qe |
|
323.Txawj qeeg taw lo tshauv, zoo nkauj tau phem vauv |
|
324.Quav yeeb taw lo roj, zoo nraug tau phem poj |
|
325.Tau zoo nyob, tsis txhob ua tsam tau mob |
|
326.Tau zoo hnav, tsis txhob ua tsam plag ntshav |
|
327.Txhob xav noj loj, tsam tau haus kua roj |
|
328.Txhob xav noj ntau, tsam tau haus kua rau |
|
329.Thaum muaj noj ntau, thau tsis muaj ua tsov tshaib tsov tsau |
|
330.Thaum muaj noj noj tsis saib, thaum tsis muaj ua tsov tsau tsov tshaib |
|
331.Kev pluag tsis tim txoj hmoo, kev tshaib nqhis tsis tim yog qoob loo |
|
332.Kev pluag tsis tim txoj sia, kev phem tsis tim luag qhia |
|
333.Tus tau noj, tsis ntshai nroj |
|
334.Tus tau hnav, tsis ntshai av |
|
335.Tus muaj hmoo, yog tus rau siab lub luaj loo |
|
336.Tus hmoov loj, yog tus rau siab lub luaj nroj |
|
337.Kev ua hnav, txhob yuav luag tsav |
|
338.Kev ua noj, txhob yuav luag coj |
|
339.Koj tug cia koj ua koj, thiaj nrog luag muaj noj |
|
340.Koj tus cia koj tsav, thiaj nrog luag muaj hnav |
|
341.Deev cuag deev nkauj nyab, thiaj nrog luag nqaij xa dab |
|
342.Deev cuag deev nkauj sua, thiaj nrog luag nqaij xa qhua |
|
343.Thaum ntej sib tawb, mob nqaij ua miv sib khawb |
|
344.Thaum ntej sib mos, mob nqaij ua dev sib tog |
|
345.Nyiaj txiag nyob tsiv kev, tsoos tsuj npuag nyob tsiv cev |
|
346.Txiv ntoo nyob chaw siab, tsoos tsuj npuag nyob suav kiab |
|
347.Zais nyiaj txiag, txhob zais nruab tiag |
|
348.Zais nyiaj kub, txhob zais ntug cub |
|
349.Kev nkauj nraug zoo lis nyav, txhob kuam hooj haus ntshav |
|
350.Nkauj nraug txawm zoo lis, nyav xyuam lis nyooj, txhob haus ntshav kuam hooj |
|
351.Ceg ntoo qhia taus npub, hlua hneev qhia xib xub |
|
352.Pob zeb qhia taus ntse, xib xub qhia hneev nthe |
|
353.Noob neej noob tsav tuag tu caj, los tseem tshuav txiv nrauj laj |
|
354.Noob neej noob tsav tuag tu ces, los tseem tshuav txiv nraug qhev |
|
355.Hla dej yuav hle khau, tsiv teb yuav hle hau |
|
356.Chaws qhov khaub yuav hle nom, tsiv teb yuav hlo nom |
|
357.Xyeej npluag tsis xyeej noob, xyeej tsawg tsis xyeej coob |
|
358.Xyeej tshais tsis xyeej tsau, xyeej tsawg tsis xyeej ntau |
|
359.Nyiaj txiag muaj puv kub lev, los tsis cuag muaj kwv tij nyob puv tsev |
|
360.Nyiaj txiag muaj pub kub tsos, los tsis cuag muaj kwv tij nyob puv zos |
|
361.Muaj zoo kwv tij sib hlub |
|
362.Los tseem tsis cuag muaj me nyuam pliaj liab vog ncig ntug cub |
|
363.Muaj kwv tij nyob puv zos nroos |
|
364.Los tseem tsis cuag muaj me nyuam pliag liab vog ncig ntug choo |
|
365.Txhog khav tias tso quav yuav tsis thawj xub tsuag |
|
366.Ua neej nyob ntse npaum twg los kev cai paub tsis txhua |
|
367.Txhob khav tias tso quav yuav tsis thawj xub tsag |
|
368.Ua neej nyob ntse npau twg los kev caia paub tsis tag |
|
369.Tu tshiaj los tos qoob, tu ntxhais los tos tsoob |
|
370.Tau poj zoo cuag tau daim zoo liaj |
|
371.Tau phem poj cuag tau tug xyob txhiaj |
|
372.Muaj qhoob yuav npaj txhab |
|
373.Muaj tub yuav npaj nyab |
|
374.Hlais nqai ntshaw zoo riam |
|
375.Ua neej nyob ntshaw zoo poj niam |
|
376.Noj tsis dua me yaus, xav tsis dua tej laus |
|
377.Thaum nrog luag nyob ua heev hlo |
|
378.Thaum ncaim npho tsis muaj tshai hmo |
|
379.Taub hau muaj ntshauv, los vim taub hau muaj kauv |
|
380.Khaub ncaws muaj tuv, los vim khaub ncaws tsis huv |
|
381.Lov hniav nyiam qhov phom, muaj hniav nyiam qhov tawv zom |
|
382.Lov hniav nyiam qhov muag, muaj hniav nyiam qhov tawv cua |
|
383.Koob nrov cuag cav kaus ntxhw, txog hauv tsev tsis muaj chaw pw |
|
384.Koob nrov cuag cav pov haum, txog hauv tsev tsis muaj chaw zaum |
|
385.Nplooj tsis hlav zoov tsis ntsuab, tsis yuav txij nkawm tsis tsheej ib cuab |
|
386.Kav tsis qhuav nplooj tsis nkig, tsis yuav txij nkawm tsis tsheej ib yig |
|
387.Khwv sab npaum twg los txhob zeem, pluag npaum twg los txhob nkees |
|
388.Khwv sab npaum twg los txhob so, pluag npaum twg los txhob tso |
|
389.Hauv toj hauv pes quas tsuas quas ib ntsis, av luaj quas yuav quas tas ib txhis |
|
390.Toj roob hauv pes quas tsua quas ib nyeej, av luaj quas yuav quas tas sim neej |
|
391.Toj roob hauv pes quas tsuas quas ib ntus, yog av luaj quas ces yuav tag niaj txhiab ib txhis mus |
|
392.Ua tawv tawv ces tsis khov, yuav ua muag muag thiaj tsis lov |
|
393.Ua tawv tawv tsam plam, ua muag muag tsas dam |
|
394.Muaj npe tsis muaj koob, yam muaj qhov noj tsis muaj cov noob |
|
395.Muaj koob tsis muaj npe, yam lub tsev tsis muaj qhav tse |
|
396.Muaj noj yuav faib qhua, muaj hnav yuav sib faib npua |
|
397.Muaj qab yuav sib faib noj, muaj hnav yuav sib faib coj |
|
398.Nag hlob nag kuav av, dej hlob dej kuav cav |
|
399.Nag hlob nag kuav nplooj, dej hlob dej kuav ntoo |
|
400.Tau noj qhuas tias siab zoo, tsis tau noj thuam luag dhau xyoo |
|
401.Tau noj qhuas luag siab tiaj, tsis tau noj thuam luag dhau niaj |
|
402.Nrov cuag tswb, muaj tsis cuag li khwb lwb |
|
403.Muaj hwj chim cuag tsov, muaj tsim cuag lub pov |
|
404.Ntxhw khav tias muaj hwj chim tsis cuag ntxhw,nab tseem khav tias muaj tsim tsis |
|
cuag nab tus tw |
|
405.Koj khav tias muaj hwj chim,kuv khav tias kuv muaj tswv yim |
|
406.Dej ntws ces yog ua kwj, yeev tsaw ces yog nqaij yuav lwj |
|
407.Dej teev ces yog av hmlos, yeev tsaw ces yog tsw pos |
|
408.Muaj cai tsis nyob lig, muaj tus saus yuav tsum dig |
|
409.Muaj cai tsis tas yuav nyom, muaj tus saus yeej yuav tsum pom |
|
410.Nyiag luag qoob tuaj nruab txhab,thiaj noj qa tsis poob plab |
|
411.Nyiag luag poj nruab txag ua,ua neej nyob thiaj ntshai ntshai luag tua |
|
412.Txhob cem luag qhov ploj, tsam luag foom khaum ces tau kev ntsoj |
|
413.Txhob cem luag qhov tuag, tsam luag foom khaum ces tau kev tuag |
|
414.Noj ib plab tsau, xam tsis tau |
|
415.Pob txha muaj chaw to, niam txiv muaj chaw nco |
|
416.Yus noj luag qav, yuav tsum mloog luag kav |
|
417.Cauj nrawm ces tau lus xaiv,taw nrawm, ces poob ntaiv |
|
418.Tsis txib hais tias hlub, txib ho hais tais ntxub |
|
419.Cuaj lub cub tawg sov tsis cuag lub hnub,cuaj leeg ntxhais zoo tsis cuag ib leeg tub |
|
420.Txhob tua luag tub ntsaws dej dag, txhob deev luag poj tuaj nruab txag |
|
421.Txob tua luag tub rau dej nyab,txhob nyiag luag qoob tuaj nruab txhab |
|
422.Tsis noj mov yuav tshaib plab, tsis yuav kwv yuav tij ces yuav tu dab |
|
423.Tsis noj mov yuav tuag, tsis yuav kwv yuav tij ces yuav tus dab qhuas |
|
424.Qee nkawm niam txiv thiaj li txawj sib hlub,qee ntiv tes thiaj li tau coj nplhaib kub |
|
425.Qee nkawm niam txiv thiaj li txawj sib thiaj,qee ntiv tes thiaj li tau coj nplhaib nyiaj |
|
426.Tus yeem tsis tas hu, tus tsis yeem cab caj dab tu |
|
427.Tus yeem tsis tas hais, tus tsis yeem cab ntsej ntais |
|
428.Qog nees tsam nees tuam, qoj uab lag tsam tau me nyuam ruam |
|
429.Qog neeg ceg tawv tsam lov ceg, qog qav tsam poob deg |
|
430.Nom tswv hem, khib khib los tsis zoo cem |
|
431.Nom tswv dag, khib khib los tsis zoo ua li cas |
|
432.Loj cuag haum vag, tom tsis yeej uab lag |
|
433.Tsis tsaim cuag nab, kov tsis yeej tub sab |
|
434.Zoo siv sawv tuag nruab dej, zoo txiv neej yawg tuag poj niaim ob ceg |
|
435.Zoo neej tuag nruab tsuag, zoo txiv neej yawg tuag chaw txaj muag |
|
436.Ntau tus ua poov puas xab, ntau tus txiv muam ua puab dab |
|
437.Ntau tus xuab ua puas hlua,ntau tus txiv muam ua puas qhua |
|
438.Ntau lub xuab ua puas dua, ntau tus txiv muam ua puas qhua |
|
439.Neeg txom nyem xav kom muaj hmoo, neeg rog xav kom tau zoo |
|
440.Muaj hmoo los tseem xav kom muaj zog, tau zoo lawm los tseem xav kom rog |
|
441.Leej twg ua neeg tub sab, luag ntshai cuag ntshai dab |
|
442.Leej twg ua neeg tes tsis ncaj, luag ntshai cuag ntshai zaj |
|
443.Ua niam tsev xav yuav tus zoo, tsev neeg thiaj nto moo |
|
444.Ua niam tsev xav yuav tus muaj tswv yim, thiaj pab tau tsev neeg dim |
|
445.Niam txiv zoo ces thiaj sib hlub, niam txiv sib nyiam thiaj li muaj tub |
|
446.Niam txiv sib hlub thiaj tseej ib yig, niam txiv sib nyiam thiaj muab tub ki |
|
447.Yuav ua yam twg yuav tsum xav tswv yim, thaum ua tas thiaj tsis khuv xim |
|
448.Yuav ua yam twg yuav tsum sab laj, thaum ua tas siab thiaj kaj |
|
449.Noj txiv yuav saib noob, yuav poj niam tsum saib caj hmoob |
|
450.Noj nqaij yuav saib txha, yuav poj niam tsum saib neej tsa |
|
451.Poj niam thaum tig xwb ntiag los ces sov,thaum tig nrab qaum rau yus ces yog maum tsov |
|
452.Pom zoov ntsuab txhob rho txuas luaj , pom luag txiv zoo txhob hu xov tooj tuaj |
Compiled by Moua Thao
|
|