Terra arsa terra di Sicilia
lu suli asciuca 'nsinu li pinsera
ca li stasciuna sunu tutt'una
e dura sulu un jurnu a primavera.
Ma anchi si si' sulu 'nne campagni
tu sinti sempri nu rumuri forti
ca spacca i petri e grapi li muntagni
e' u battitu do cori da povera genti.
Poeta, artista e musicanti
di chissi simu 'chini tra la genti
picchi' nuatri avimu u cori ranni
ca lassa spaziu a tutti i sentimenti
e chistu suli ca 'bbruscia li pinsera
'ni carma ni lu cori li dulura.
Terre arse, terre desolate
storie di morte mai raccontate
amori passioni letti violentati
fimmini bellissimi 'ccu l'ucchi cumu a pici
donne, passioni, chianti disperati
di eternu luttu senza un raggiu di luci
volti di genti scolpiti cumu i petri
ca u timpu e l'acqua hanu scavatu.
Ermanno Modeo
giugno 1996
