BEGANA SAA SEHRA
Dil kee bedar gharee kahan hai chalee
kya uss des jahan mera apna koi naheen
kinara naheen hai meri aankhon ke behte darya ka
kya ye wo sagar hai jis kaa sahil koi naheen
man kee banjar zameen par barsat hai kis kee
kya ye wo boonden hain jis ka ehsas-e-zayan koi naheen
manzil kee rah ko ubhar raha hai ujala
kya ye wo kirnen hain jis kaa wajood koi naheen
neele rang kee badlee ko choone kee khuahish hai
kya ye wo khawab hai jis kee tabeer koi naheen
mera ishq hai iss kainat kee har shai se
kya ye wo sawal hai jis kaa jawab koi naheen
Dil kee bedar gharee kahan hai chalee
kya uss des jahan mera apna koi naheen