於4月7日，下午二時零五分，一名可能係康泰旅行社歷來，轉數最低之領隊，帶領一團由台灣返港之高轉數團友，乘坐中華航空EG205班機飛返香港。奇遇就係呢個時候發啦!!!!!!

       正當航機起飛後不久，該名四眼低轉數領隊已換上黑超，準備夢會周公(按: 查實飛機上有幾光呀。故此，一致裁定，佢帶黑超既真正原因係扮型o架.…)

       忽然，佢感到頭部有D痛，由於轉數低既關係，佢仲笑笑口咁轉頭視察發生什麼事，完全感覺唔到自己既情況係被人惡意襲擊架。

         又由於低轉數既原因，D人覺得好奇怪，點解咁低轉數，都仲可以做緊領隊，而仲未遭遇不幸，佢就成為被團友訪問對象啦~ 佢心諗：「今次真係不幸啦，遇著D咁既團友。」 (其實不幸既，應該係康泰及眾團友!) 與此同時，該名低轉數領隊反抗失敗。緊係啦，佢轉數太低啦~ 且面對既係眾高轉數團友!!!!!!!!

以下係該名康泰領隊受到的盤問:

一開波，佢已經處於劣勢。

        首先係一輪自我介紹…..Excuse me Sir, we’re doing a survey on occupation. Would you mind answering us a few questions?

該領隊無從招架，只係不段要求Chinese(其實係Cantonese 才對)

佢然後又被問及 貴姓。但佢竟然話：「你知架。」(按: 大佬呀，都話係interview 0羅，要扮唔識架。呢個係sense 既問題，唔係轉數既問題…況且，人地同你好熟呀！)

到0左上半場中段，佢被問及入行經過…

        原來係有一個不願透露姓名人氏介紹既，唔怪得17歲就可以做領隊啦。同時，令人不禁懷疑果個人係特務！佢又被質問，係咪因為D 女同事靚。佢最初只係黯然地搖頭，及後則由心而發地感嘆：「星晨D女領隊先靚!」 黯然原因有二：

1. 係因為無得近水流臺。
2. 係有感自己質素….正所謂…先天`後天皆不足耶!!!!!!!

仲有呀，佢之所以唔讀書做領隊，係因為讀唔到同比個妹讀。同時發現，該領隊係有兩個妹0架！

到上半場尾段，係關於工作及人工既問題。

        淡季大約會帶兩團，旺季則三團。由於低薪只有$1800既關係，就要靠小費維生0勒。(按：唔怪得死都唔肯減收小費啦！真的，企得很硬耶…咁做得領隊、導遊，咪要好鬼腳粗?!)

經過一輪小休，即lunch後，下半場就開始啦!!!

呢到係訪問既高潮…….就係問及豔遇既問題…嘿嘿

        首先，佢竟反問，無錯係反問，乜係豔遇…此時，盟主叫到「咪即係比人勾引0羅。」

跟住，佢再豎起一隻手指表示一次。(按：原來冤豬頭都有文菩薩係真o架) 與此同時，盟主竟然問佢：「咁我地算唔算??!!!!」 (唔係0卦，訪問都算，咁阿魏綺珊呀、黃德如咪成日勾引人乎?!)

        事情係咁既，o係去年聖誕節，領隊先生接手一團日本團。當中有一個妙齡食齋女郎(唔通食齋既係唔同d既!!!)，估計當時係22/23 歲左右，由於佢唔食肉既關係，領隊先生餐餐幫佢叫齋，可能因為咁，佢就對領隊先生產生0左傾慕之情啦!! 回港後，領隊先生收到呢位女團友既水晶蘋果及情書一封。追問下，呢段奇怪既戀情，係冇下文架!

問下領隊先生有冇後悔唔‘蘇’人啦，佢話堅決地話：「冇喎。」佢仲話個女仔個樣「普通啦…」(唉!!咁仲嫌三嫌四。)

好o勒，到o左下半場尾段，就係解開“低轉數領隊, 薯嘜之謎”。

        對於點解會帶呢個黑邊半粗框起角0既眼鏡，佢表示無可奉告。同時，由於眼鏡係新配o既，所以唔會換眼鏡喎。(按：唔係o卦！)

        至於老餅戒指及薯頭，前者係佢老豆比既，後者都係佢老豆比既…唔係，應該係由於洗頭便jel 頭，唔洗頭便唔洗jel頭， 總之係要D頭髮一餅餅，所以咪薯頭０羅!!!!!! 而且仲有頭皮添呀!!!!!!

        哈哈，與此同時，就係刀疤之謎大揭秘。話說領隊先生手背上有一達疤痕，令人懷疑“唔通佢係黑道中人?!” 經調查後，原來係因為佢六年級0個陣時被罰留堂，由於追車既關係，被車門夾親隻手，且被拖行一段距離，以致手骨折斷，折斷既骨更走出皮膚，直達手背上空，並且呼吸到皮膚出面既空氣。幸好的是，骨頭未有氧化….嘿嘿…唔係，應該係司機及時發現，未致悲劇進一步發展。算是係不幸之中既大幸啦!

        到o左加時階段，佢話最鍾意帶韓國團，因為可以shopping 買袋，其次就係海南島，因為舒服喎。仲有呀，佢原來讀過TI 既飛機維修，所以如果唔做領隊想做飛機維修。又原來係因為找唔到飛機維修D工，所以做領隊0羅。

<低轉數領隊於EG205班機的空中奇遇> 報導完畢。