旅程的第一天：

時: 1999/6/30 6:35am

地: Hong Kong International Airport

人: Abby, Alice, Amy & her dad, Baggio, Diana, Esther and Linda

事: 台灣之旅 ( 團別: 康泰 TTY05 )

       當日要在6:35am到達機場，相信大家都冇幾可咁早起床去坐車。 雖然眼睏， 但卻難掩我們興奮的心情。當我們走向JAA的柜檯時，我們的視線則停留在一位戴著粗黑半框起角眼鏡，穿著鮮藍色康泰旅行社西裝的哥哥仔身上… 「o衣，乜咁薯o既？」 這就是大家見到領隊哥哥─小林後，不約而同，異口同聲的反應。

       我們一塊兒先食件Oliver's super sandwich，一邊食，Amy老豆一邊問：「知唔知去到酒店第一件事係做咩？」究竟做咩呢？ (容後揭曉)

       航機在9:05am起飛，經過2hr11min 無驚無險的機程，便扺達台北中正機場。隨即我們登上旅遊車前往九份及基隆，同時也見到我們那位自稱有男人味的有型導遊小符啦。佢十足十一個口水佬，我們一上車，佢就由頭講到落尾，絕不欺場，內容包括台灣的政治、經濟、習俗和文化，確實係詳盡細緻，鉅細無遺。講者唔"支力"，聽者都"支力"啦，所以冇幾耐，一干人等都去o左搵周公飲茶…

       九份 ─ 悲情城市，是個充滿地道特色的地方。窄窄的街道，旁邊是小賣部、食店和茶居。我們則嚐了牛肉麵 (千祈唔好叫錯牛肉湯麵呀, 得湯同麵架咋！)以及似足粉絲的魚丸冬粉，Souvenir就有好味花生糖啦， Linda買左mini垃圾鏟&掃帚 (大掃除耶？)。Alice(請以意大利文讀出) 想買木屐匙扣，最後一個也買不到。

跟著是到三越& Warner cinema，發現以下趣怪譯名：

貞子纏身~~貞子迷咒

茱莉亞羅拔絲~~茱莉亞羅伯茲

比卡超~~皮卡休

hahahaha……好娘呀！

       晚飯時，情侶Vivian & David有幸和我們同檯食飯，更慘遭Baggio“撩”…冇計啦，想換位都難，為時已晚。話時話，大家原以為Vivian 同David是一對新婚夫婦，不過一定不是來台灣度蜜月，雖然後來知道是情侶，但大家都覺得他們很有夫妻相呢！飯後到熱鬧的士林夜市，我們在鐵皮屋其中一家鐵板燒坐下，一行8人只點了4道菜，真的很肉酸！

嚐後感：Amy 覺得始終是香港的蚵仔餅好吃。

       當晚入住麒麟大飯店，Amy &Amy老豆的房間不但有一陣霉味，更是冇air-cond，又只得雙人床一張…唯有換房囉！

第二日7月1日