| 18/1/2000 |
今日係好特別o既日子，今日就係正義聯盟本世紀第一次meeting啦！出席o既有知伶、小競子、Alice、詠欣、Melody、Beauty、Ann同我啦~
我地去左食越南菜，非常之豐富呀~ 仲有我地仲送埋生日禮物俾小競子同Alice添~
好開心呀~ 希望下次meeting快o的o黎就好啦~
lunch o個陣，Brian同阿Ric上我屋企食飯，佢地以為可以食到我阿媽煮o既家常便飯同靚湯，可惜我媽有一個習慣，就係天氣轉冷就會打邊爐
o架啦。佢地想食我阿媽煮o既靚湯同靚菜，就要等o下啦~ |
| 17/1/2000 |
由考試都而家都唔得閒update網頁，皆因日日都出街，出過不停，出街出到殘晒...今日又有節目啦~
就係同RD同學齊齊去Ocean Park玩！ 我玩左2次海盜船，3次過山車...等等，玩到不亦樂乎。哈，不過唔玩唔知，原來Ric，Kin
同Brian都驚玩星際蜘蛛同海盜船o架~ 佢地好唔掂當呀~整體o黎講，今次都玩得happy~
去完Ocean Park之後，我同阿Ric佢o地去左旅行社報名參加北京之旅~
真係估唔到咁快落實o既~
|
| 11/1/2000 |
好耐都冇update個網頁啦~ 經過短暫而又痛苦o既考試之後，可以再次狂歡啦~
考試o個排咪日日溫書，最唔鍾意晏晝先考，冇晒溫書時間...考試期間都冇乜特別事情發生~~
10號o個日考完，可以relax o下啦~ 咁我地又去左睇戲啦~睇左「骨中罪」。劇情一般，同以前睇開類似o既冇乜分別，冇驚喜~之後去左飲o野，不過真係好tired啦...好早就走人~
俾考試折磨得好慘>_<..
放sem break都唔知做乜好~ 我計劃過要學photoshop, 3D studio max~
可以仲想學埋flash，學唔晒就慢慢o黎... 遲o的要裝修個網頁，頂唔順而家又殘又唔健全o既網頁...唉. |
| 1/1/2000 |
Happy Millennium!新世紀o既開始，希望人生有個明確o的o既目標啦~
我暫時都未知自己想做o的乜~ 尋晚去左維苑倒數，原本想去Time
square o架...可惜入唔到去啦~ 不過維苑氣氛就麻麻啦~之後就去左飲o野。Debbie
尋晚幾high呀~打扮同表情都好正！尋晚我好鬼眼訓呀~成個人好唔清醒!!仲要咁"早"先訓...今朝好殘呀!!事實証明我唔可以挨夜架...*.*zzzz... |
| 29/12/99 |
好高興見返o係Canada返o黎o既Ada呀~雖然今日唔係好多人一齊食飯，但都希望可以搵多日再見o下佢啦... |
| 27/12/99 |
聖誕節大家都唔得閒，所以今日成班大學同學一齊去大尾篤BBQ。因為中午o個陣Brian玩bowling輸左俾我，所以BBQ
o個陣要坐無影"chair"，可惜睇佢都係唔肯認輸架啦...唔肯坐之餘，坐都坐得核突過人! 夜晚去左唱K...之後幾日一定要努力溫書!!! |
| 26/12/99 |
今日愛筵o係學校打邊爐，我地一班女仔食量都幾勁架...哈哈，不過有件事令我地覺得好瘀...都係唔好講啦...當事人先知架咋~ |
| 24,25/12/99 |
聖誕節o個幾日好無聊咁渡過...都係行街、食同訓，冇溫書...唉~
好後悔咁過呀~ |
| 23/12/99 |
今日班聚返學校打邊爐，好彩唔使露天打邊爐o者...嚇得我呀~食風就慘囉...不過大家一齊打邊爐都幾開心o既~ 今晚月亮勁光勁圓呀~我仲見到北斗星添..咁大個女都未睇過北斗星係點o既..今晚o的星星睇得好清楚，好正呀~
|
| 22/12/99 |
今日fail左Professional Studies Practical Assessment，今日o既驚嚇及肥佬指數好高...re-assess o既生還率亦好低...好多tricks可以令你fail...特別deal
with 病床o既cases, 我就係死o係哩樣! 不過re-assess就pass到。今日整日o既心情好複雜，尤其係等緊re-assess
o個陣~ 仲有，Thanks to God! 收到朋友Christmas e-mail card，首poem令我諗起神係陪住我o既...心情都冇咁緊張!^_^
|
| 16/12/99 |
估唔到就o黎測驗都仲會去睇戲...仲唔死?!今日同阿Ric,
Kin, Mandy Chan同Michelle一齊去睇"The end of day"。o的電腦效果幾正~
之後應該返家架嘛...點知夜鬼阿Ric要求去大圍o既bar飲野..我好乖架...不過都破例去左...不過大圍o的bar幾雜架...encourage大家唔好去咁多呀... |
| 12/12/99 |
唉~ 哩排真係多o野做到死! 咁鬼多reports 同tests...點解會咁鬼忙架?!
我諗我係一粒落o係荊棘裏面o既種子o黎o架啦....>_<
|
| 2/12/99 |
尋日終於完成左篇Eng. Academic essay...真係鬆o西。今日有成4粒鐘天地堂，於是同o的同學仔去左食buffet，之後去睇戲好似叫.."猛鬼遂個捉"喎~但係就唔恐怖，而係核突...跟本唔驚嚇...睇完成個散晒咁滯~ |
| 29/11/99 |
今日非常疲累呀~今日Mandy同我地班o既'大佬'好襯呀...都著牛仔衫牛仔褲~ 阿Ric除左眼袋大，原來好厚面皮o架。成日跟我撞衫，仲屈我特登跟佢撞衫添...好卑鄙!
佢仲慨嘆自己still avaliable...不過邊個可以幫到佢呢?嘻嘻......
|
| 28/11/99 |
今日屋企隻貓跳左落個櫃後面，搞到跳唔番上o黎，困左
o係裏面，不停o係到叫，我搵左一陣先發現佢所在位置，
仲要我同細佬一齊拉出個櫃俾佢走出o黎，真係俾佢激死~
今日開始轉涼，我又買左件新衫著>^_^< |
| 25/11/99 |
今日獲知IM test result，好彩IM test合格o者...不過成績都唔係好得去邊架啦... 今日我o既表現好似變番初中時o既我一樣...嘩~我唔想咁喎!
|
| 24/11/99 |
唔止今日"支力"，日日都咁鬼死tired~~下星期勁多功課要做呀...仲有test添。死得啦...... |
| 21/11/99 |
返Poly傾中文project，估唔到會走去join乒乓球比賽... 哈...結果...可想而知啦~
|
| 19/11/99 |
有成22個RD同學仔一齊去廟街食煲仔飯呀~ |
