@Getrucket zu Rom durch Johann besicken vnd Martin� amsterdam: in dem iar als man zalt - M - ccccc - zu der zyt des pabst Alexanders des - vi - Jn sin� achten iar -
DAs sind die gebett der erlewcht� heilligen sant Brigitta die sie vor dem pilde des crucifixes vnsers herren Jesu cristi teglich andechtigelich gesprochen hat - auffs letzte vor dem selb� crucifixe durch gnade wirdige antwort zu haben verdienet - vnd das pilde des crucifixes das diser heilligen sant Brigitta zugeredet hat steet in der kirchen zu sant Paul als da� dem leser hernach kundt wurdt Und du leser liess mit andacht wa� du wunsam ding lesen wurst -

@Hie nach volget die antwort die gehebt hat sant Brigitta vor dem pild des crucifixes als sie bettet in der kirch� zu sant Paul -
BEr ein gantz iar dise gebett andechtigelich spricht von dem geschecht werd� xv selen au� dem fegefeuer erloe�et
vnd au� seinem geschlecht werden - xv - sunder bekeret -
vnd - xv - gerecht au� seinem geschlecht werden in einem gutten standt bestetiget -
vnd er erwirbt darumb die ersten staffel der volk�menheit vnd erkentnus - auch ware rew seiner sund
Es hat auch gesproch� das pild des crucifixes wirdt yem�t dise gebett andechtigelich verbring� dem wil ich geb mein� allerheilligisten leichnam funffzehen tag vor seinem ende dar durch er erlediget wirdt von seinem ewigen hunger -
Auch wil ich in trencken mit meinem alleredelsten pluet das er nit durst habe ewigelich -
Auch wil ich fuer in setzen das zaychen meines vberwintlich� creutzes zu hilfe wider seiner feinde anfechtung -
Auch wil ich vor seynem ende komen mit meiner erwelt� muter v� sein sele guetlich� auffnem� - v� die fuer� zu d� ewig� frewd�
v� wa� ich sie da hin bracht hab wil ich ir schencken ein� besundern trunck v� dem brunnen meiner gotheit - das ich den andern nit thun die dieses gebett nit verbracht hab� -
Es ist auch zu wissen so ein mensch dreysig iar todtsund� gewesen wer vnd dises gebett andechtigelich spricht d� wil got alle sein sund vergeb� -
vber das beschutzet er in vor boser anfechtung
vnd behuet im sein funff sinne
vnd erloset in v� dem gehen todt -
v� erloeset in von der ewigen pein -
Jtem der herre Jesus wird im au�tulgen alle sein sunde die er ye verbracht hat von kintheit her bis auff dise zeyt -
Er wurdt auch durch die gnade gottes besser da� er vor gewesen ist
vnd was er von d� herren Jhesu oder der heiligen iunckfrawen Maria bitten wirdt das wurdt er erlangen -
Jtem der herre Jesus wil im helffen das er zu neme in gutt� tugenten vnd guttem Leben -
Auch wil er in behalten vnd bestetten in einem gutten st�dt -
Auch ob er alle sein tag gelebt hett nach seinem eygen willen vnd solt als morgen sterben dem wirdt sein leben gestrecket -
Jtem so offt ein m�sch die gebet andechtigelich spricht so hat er - xl - tag ablas -
vnd dar vber ist er sicher das er zugefueget wurdt dem aller hoechst� choer der engel -
Und so yemant dise gebett eynen andern lernet sein frewd v� verdienstnus wirdt nymmermere abnemen sunder sie wird bleiben ewigelich -

@wo dise gebett sein oder gesprochen werden do ist got mit seinen gnaden gegenwertig vnd beschutzet in als er hat beschutzet sant Paul vor der dieffe des mers do die schiff zerprach�

@Das erst gebett -

Herre Jesu criste ewige seligkeit d� die dich lieb haben - du bist ein frolockung vber treffen alle frewd v� alle begier du bist ein heil vnd liebhaber der buessend� sunder - du hast bezeiget deinen wollust zu sein bey den kinden der menschen - vmb des menschen willen bist du mensch word� an dem ende der zeit - Gedenck guetiger Jesu alles vor betrachtens v� ynnerst� iamers d� du v� anfang deiner empfahung in menschlicher natur gelitt� hast - v�allermaist do sich zu genehnet hat die zeit deines allerheilwertigsten leydens in deinem gotlichen hertzen die von anfang vorgeordnet was. Ged�ck auch der trawrigkeit v� bitterkeit die du in deiner sele dich selbs zewgende erlitten hast - vnd do du an dem letzten abent essen deinen iungern dein� heillig� leichnam vnd pluet gegeb� hast ir fue� gewaschen v� sie lieplich troest� in dein kunftigs leyden vorgesagt hast - Gedenck auch der zitterten angst vnd schmertzen die du in deinem zarten leib vor d� leyden deines creutzs getrag� hast do du nach dein� driueltigen gebett pluetigen schwai� schwitzest - v� deinem eyg� iunger verratten warst - von deinen erwelt� folck gefangen - v� falsch� zewg� beschuldiget - v� v� drey� richtern vngerechtigelich gericht in der erwelt� statt zu osterlicher zeit - in der pluenden zeit deines leibes ingent vnschuldigelich verurtailt - du warst vbergeben vnd verspeyt - deines klaydes au�gezogen fremde klaider angezogen - du warst auff den hals geschlagen - dein augen und antlitz warden dir verspund� vnd mit bakenschlegen warst du geschlagen - an die seul gepunden - gegaisselt - mit scharpffen dornen warst du gekront - dein haubt mit ror� geschlagen v� mit vnzellichen peinen warst du zerrissen - darumb bitte ich dich lieber herr gibe mir vmb der gedechtnus will� dieser leyd� vor mein� tod ware rew - lawtere beicht v� ein billige genngtu�g v� ablass�g aller meiner sund am�
Gegruesset seist du aller suester Jhesu criste erbarm dich vber mich armen sunder Amen -

Sprich ein pater noster vnd ein Aue maria v� thun das nach einem yetlichen gebett -

@Das ander gebett -

O Jesu criste ware freiheit der engel vnd ein paradiss der lustperkeit ged�ck der erschreck�g die du gelitten hast da alle dein feindt als die grawsam� leoben vmb dich stunden vnd mit halsschlegen verspeyh�g vnd anderen vnerhoert� pein� dich beschwert hab� Ich bitt dich lieber herr Jesu criste durch alle scheltwort - hart schlege - vnd birtere pein mit welch� dich al dein feind gepeiniget hab� das du mich v� all� mein� feind� sichtig� vnd vnsichtig� erloesest v� gebest mir vnder d� schadten deiner flugel selige beschutzung Amen -
Gegruessest seist du &c - Pater noster - aue maria

@Das dritt gebett -

O Jesu ein erschaffer v� regierer der welt d� kein messunge nit ermessen mag du beschleussest das ertreich mit einer h�d gedenck des bitterlichen schmertzens den du gelitten hast do die vngetrewen Juden dein heillige hend an das creutz mit stumpffen negeln zumoerst� angenagelet hab� - v� zu durchloecheren deine zarte fue� - da du loecher des creutz nit erlang� mochtest nach irem willen haben sie deinen wunden schmertzen vber schmertzen zu gefueget v� also iemmerlich an dem creutz in die leng v� weit au�gestrecket vnd zerzogen das alle geleich deiner glider verrencket wurde - Ich bitt dich lieber herr Jhesu vmb die gedechtnus diser heiligen v� bittern schmertze die du an d� creutz gelitt� hast das du mir gebest dein forcht vnd liebe Amen -
Gegruesset seist du &c - Pater noster - aue maria -

@ Das fierd gebett

O Jesu himlischer artzt gedenck des verlang�s v� schmerez� v� des neydes die du an dem galg� des heilligen creutzes erhebt in allen deinen glidern der keins an seiner rechten stat bliben ist gelitt� hast - also das kein schmertz deinem schmertzen gleich erfunden nye wart - wa� von der solen der fue� auff die scheittel deines haubt ist kein gesuntheit in dir nit gewesen - yedoch hast du vergessen aller deiner schmertzem - vnd deinen hymelischen vatter fuer deine feind guetlich gebetten sprech�de - Vater vergib in wa� sie wissen nit was sie thun - verleich mir lieber herr Jesu durch dise libe barmhetzigkeit - vnd vmb gedechtnus willen diser schmertzen das die gedechtnus deines bittern leydens sey ein volkumne vergebung aller meiner sunde Amen -
Gegruesset seist du &c - Pater noster Aue Ma -

@ Das funft gebett -

O Jesu ein spiegel der ewigen clarheit ged�ck der betrubnus die du gehabt hast da du in den spiegel deiner erlewchten maiestet geseh� hast dein zukunftig au�erwelten die durch verdienstnus deines heilligen leydens sollen sellig werden v� die straffung der boesen der ein grosse menig verdampt wirdt - ich bitt dich guetiger Jesu durch die gruntlosen barmhertzigkeit mit welcher du als d� mit den verloren und verzweifelten sundern mitleyden gehabt hast vnd sunder die du d� schacher an d� creutz erzeigt hast sprechende - hewt wirstu mit mir sein in d� paradiss - das du mit mir wirckest barmhertzigkeit in der st�dt meines todtes Amen -
Gegruessest seist du &c - Pater noster - aue maria -

@Das sechst gebett -

O Jesu ein lieplicher konig v� allerbegirlichster gedenck der betrubnus die du gehabt hast da du nackent vnd erbermlich an d� creutz hingest vnd dein frewnd v� bekantten entgeg� bey dir stund� vnd fundest kein� der dich troestet allein dein liebe gebererein die dir an dein� letzt� zeitt� in des todtes noet� getrewlich� beystund welche du deinem iunger empfahlest sprechende - weib nym war dein sun - v� zu dem iunger - nym war dein mutter - Ich bit dich gutiger herr Jesu creste durch das schwert der schmetz� das zu der zeit ir sel durch gieng das du mit mir mitleyden habest in allen meinen leiplichen vnd gaistlichen betruebsalen - und peinen gibe mir troestung in aller zeit meiner truebsal Amen -
Gegrusset seist du &c - Pater noster aue maria -

@Das sibent gebett -

O Jesu ein vnau�schopfflicher bru� der gutigkeit der du au� innerlicher begier y liebe an d� creutz gesproch� hast mich durst - das ist nach dem hayl des menschlichen geschlechtz - wir bitten dich lieber herr das du entzundest vnser begier zu allen volkumlich� wercken vnd d� durst der leiplichen begier v� den hunger der weltlich� wollust in vns gentzlich erkuele vnd au�tilge Amen -
Gegruesset seist du &c - pater noster - aue maria -

@Das acht gebeth -

O Jesu ein suessigkeit der hertz� vnd ein senftigkeit des gemuetes - ich bitt dich durch die bitterkeit des essigs vnd der gallen die du fuer vns an dem creutz v� in der stund deines tods gelitten hast vnd versucht hast verleich vns deinen heilligen leichn� v� pluet zu aller Zeit wirdigelich zu empfahen zu einer hilff vnd trost vnser selen Amen -
Gegruesset seist du &c - pater noster - aue maria -

Das newndt gebett -

O Jesu ein konigliche tugent vnd frolockung gemuete ged�ck der angst die du gelitten hast da du von bitterkeit weg� des todtes vnd grimmigkeit wegen der inden mit heller stuem dich v� got d� vater verlassen schreiest sprech�d mein got mein got wie hastu mich verlassen. Durch dise angst bitt ich dich lieber herr das du vns in den angsten vnseres tods nicht verlassest Amen - Gegrussest seist du &c - Pater noster - aue maria

@Das zehend gebett -

O Jesu ein anfang vnd ende ein eynig�g v� tugent - in allen mittel - gedenck das du dich von der hoehe des haubtes bis auff die sol� fue� fuer vns in das wasser des leydens versencket hast - durch die weytte vnd groe� deiner wund� lerne mich in rechter lieb zu halten dein gebott - Amen -
Gegrusset seistu &c - Pater noster - Aue maria -

@Das eylfft gebeth -

O Jesu ein thieffe der gruntlosen barmhertzigkeit ich bit dich durch die tieffe deiner wund� die dein flaisch durchg�g� sein v� das marck der gepein vnd deiner in gewaide das du mich versenckten in den sunden senckest vnd verbergest in den lochern deiner wnnden vor dem angesicht deines zornes als lang bi� herr dein grim fuer geet - Amen -
Gegruessest seist du &c - Pater noster - Aue Ma -

@Das zwolfft gebett -

O Jesu ein spiegel der Warheit ein zaich� der einigkeit v� ein bant der lieb gedenke der mennig deiner vnzelich� wund� mit welchen du v� der hoehe des haubtes bis auff das vnderst deiner fuesse gewundet gewesen bist vnd von den boe�haftigen iuden zerrissen vnd mit deinem aller heilligst� pluet geroettet welche mennig der schmertz� du in dein� iunckfrawlich� flaisch gelitt� hast - O guettiger Jesu was solt du meer fuer vns thun das du nit gethan hast ich bitt dich lieber herr Jesu das du schreibest all dein wund� mit dein� aller edest� pluet in mein hertz das ich dari� lesse deine schmertz� vnd lieb da mit das ir gedechtnus alle zeit bey der heimlichkeit meines hertzen bleib also das der schmertz deines leydens teglich in mir vernewet werdt vnd dein lieb gemeret so lang das ich zu dir begertem schatz aller gutheit vnd frewden volkummen k�me - das du mir Jhesu criste verleyhen wollest der du bist mein leben Amen -
Gegruesset seist du - &c - Pater noster Aue Ma -

@Das dreyzehest gebett -

O Jesu allersterckster leobe vntoedlicher v� vnwberwintlicher kunig ged�ck des schmertzens d� du gelitten hast do alle deine krefft deines leibs v� deines hertz� Kraftlo� wurdest v� do du mit genaigt� haubt sprachest - Es ist alles verbracht - Durch die angst vnd dein� schmertzen erbarm dich mein in der letzten stundt des au�gangs meines lebens so mein sele geenst wurdt Amen -
Gegruesset seist du &c - pater noster - aue maria -

@Das vierzehest gebett

O du eingeborner Jhesu des allerhoehst� vaters du schein v� pildnis seiner substanz gedenck deiner innigelichen befelnus mit welcher du deinem himlischen vater dein� gaist befollen hast sprechende - Herre vater in dein hende befile ich mein� gaist - vnd vmb vnserer erloesung willen hast du durch dein barmhetzigkeit mit zerrissem leib v� mit zerproch� hertz� mit lauttem geschray mit geoffent� ingewayd auff geb� dein� gaist Durch disen alleredelst� tod bit ich dirch du konig der heiligen das du mich bestettigest zu widerstehen dem teufel - dem flaisch v� pluet das ich der welt gestorben sey vnd dir allein lebe v� in der letzten stund meines au�gangs empfahe meynen wider zu dir kummenden ellenden pilgramischen gaist Amen -
Gegruesset seist du - &c - pater noster - aue maria -

@Das funffzehest gebett -

O Jesu ein bruchtbarer vnd warer weinstock gedenck der vberflussigen vnd vnmessunge deines plutes welches du v� deiner liebe als von ein� gepresten weintrawbe vberschwencklich vergossen hast do du an d� creutz die weinpresse selber getretten hast vnd vns au� deiner heilligen seytten mit dem spere durchstochen pluet vnd wasser geschenckt hast also das auch der minste tropff in dir nit blib� ist vnd darnach als ein buech�lein auff in die hohe gehenckt bist also das dein zartes flaisch geschwelcket - die fewchtigkeit deiner ingewaidt au�gedorret vnd das marck aller deiner gepein verschw�d� ist durch dises dein heiliges bitters leyd� vnd vergiessung deines rosen farb� pluetes bitte ich dich sue�er Jesu wundt mein hertz das mir die zeher der busse und der lieb gleich sein tag vnd nacht vnd bekere mich gentzlich zu dir das dir mein hertz werd ein ewige wonung vnd mein handelung sey dir ein wolgefallen vnd genem v� das end meines lebens loblich das ich nach dem ende disens lebens verdiene dich zu loben mit ellen heiligen ewigelichen Amen -
Gegruesset seit du aller suester Jhesu crist erbarm dich vber mich armen sunder Amen - Pater noster - Aue Maria -

@Finis -

Tekst bez sredniowiecznych skr�t�w Text ohne mittelalterliche Abk�rzungen Text without medieval abbreviations

 
You can email me on
[email protected]