 Assessorau de sa Limba Sarda |
 |
COMUNU DE CUARTU SANT'ALENI
ASSESSORAU DE SA LINGUA SARDA
SA CHISTIONI DE SA LINGUA IN SARDIGNA
Fintzas po unu grandu sāpiu sa limba sarda est mala a manixai po momentus
pubricus e ufitzialis. Custu sutzedėt no poita in sardu no si potzānt
narriri cosas "artas" o "fungudas", ma poita si seus imbitzaus de tempus
meda a aturus medius e a aturas limbas.
Chi unu provāt a arrexonai in sardu in d'unu atobiu cun genti meda, o in
d'unu consillu, o in sa televisioni, o in su radiu, o provāt a scriri unu
paperi po is ufitzius (comenti at cicau de fai su scrienti), intendit
comenti unu aresurtau befianu in origas. De ora meda in fatis costumaus a
lassai stai su sardu comenti chistionada de domu o de familia, sa chi eus
fueddau cun babu e mama o cun is amigus de su bixinau candu fustis pipius.
Custu sardu puru est abarrau pipiu, chentza fueddus tenicus pretzisus po
anomingiai is cosas e is sentidus, chentza is cumplicantzias arrefinadas de
una limba manna. Custus fueddus tenint abisongiu imoi de essiri tradusius
de atras limbas, o torraus a craru de su sardu antigu o, a bortas, fintzas
inbentaus a nou in s'arrispettu de su spiritu sintzillu de sa limba. Tenint
abisongiu de essiri scritus beni, cun dignidadi e allichididura. Est unu
treballu tostau, malu a conduxiri, chi arrechedit sacrifitziu de sa personi
chi detzidit de du fai. Bolit annus e annus de istudiu cun sa conca parada
a is librus. In fatis, a primitzius chi unu cumentzāt a si pentzāi in pitzu
a is chistionis de sa limba sarda, dognunu est seguru ca su dialetu de sa
bidda o tzitadi sua est su prus assentau, su prus naturali.
Su Comunu podit cumprendiri tottus is zittadinus chi, ligendu custu
sardu, nant: ma custu no est su sardu nostu. Bessit a pillu sa chistioni de
s'identidadi de sa bidda e de sa zittadi chi est una cosa giusta, ma in
parti fetti. Chi donniunu iscriessit in su sardu cosa sua, in Sardinnia
iant a esistiri 300 linguas. Depeus ciccai assumancu de ddu scriri tottus a
una manera. Poi donniunu d'at a liggiri comenti bolit.
Su Comunu de Quartu Sant'Aleni at a impreai sa grafia chi at a consillai sa
Regioni po donai s'esempiu a is aturus. Ma custa proponnidda depit essiri
de bonus sentidus e bolit arrexonada. Calincunu pentzāt chi siat mellus su
campidanesu, attiri nant chi siat prus agradessiu a s'origa su logudoresu.
Is sābidus proponint de du scriri cun arregėa, s'umprus de sa genti cicāt
de du scriri comenti d'iat a ligiri cunformi a sa grafia de s'italianu.
Ma sa bia po sarvai su sardu de sa morti est istada giai sinnalada de totu
is aturus acontessius, e funti istaus pariccius, de limbas e de minorėas in
s'Europa e in su Mundu.
A nosu serbit una limba manivili po cuntzetus ladinus e difitzilis, a sa
moda de s'italianu, de s'ingresu, de su frantzesu, de su cadalanu. Una
limba chi no si potzāt arreconosciri de logu perunu, ma siat, a su propriu
tempus, de totus is logus. Una limba mediana, studiada, "arta", standard,
chi potzāt essiri agradessia prima de una truma de istudiaus, de
dirigidoris, de artistas e de politucus, e, a pustis, de totu sa
popolatzioni in is iscolas. Una limba scrita e moderna de imperai cun
dignidadi e cumpetentzia, cun gramatica e fueddariu po podiri insertai a
dogna idea su fueddu giustu. Una limba sarda abili po sa vida de oi. Seus
totus capassus de chistionai e de iscriri in italianu chi est una limba
bella, de curtura, chi est maseda a dogna trotoxamentu de sa realidadi e de
sa pantasėa. Una limba chi s'at acumpagiau in custus urtimus dus seculus de
modernidadi e chi fait parti issa puru de s'identidadi cosa nosta. E
duncas, ca scieus ita totu podeus narriri e iscriri in italianu cun
fatzilidadi, a iscriri in sardu est malu che passilai in bessida, ma tocāt
a du fai si no boleus chi si studit sa frama de sa tzivilidadi nosta e
s'eredidadi chi s'ant lassau is aiaius nostus cun seculus e seculus de vida
trumentada. Chi custu disinnu parit unu bisu bastit a pentzai ca s'italianu
puru (e aici a frebigratzia su norvegesu, su cadalanu, su bascu,
s'irlandesu, su gallesu, po nomenai is prus piticus) est arribau a essiri
limba de su stadu aici cun custus metudus. Candu su Rennu de Sardigna, in
su 1861, a is cumandus de is meris savoiardus, iat mudau nomini e,
alladiendi is treminis, si fut tzerriau Rennu de Italia, chistionānt
italianu unus 2,5 po centu de sa popolatzioni, est a narri is chi du sciant
scriri sceti. Is aturus fueddānt dialetus o limbas de minorėa.
Serbit duncas unu disinnu abistu po arenfortzai sa limba inpari a unu
nascimentu nou de sa politica e de sa sotziedadi sarda. Du at abisongiu de
una limba aunia, scrita po imoi in duas tramudas, ma sempiri una. Custa
mōvida depit essiri democratica, pacifica, arrispetosa de s'unidadi de sa
Repubrica e de su rolu de sa Regioni Autonoma. S'amanniamentu de sa
natzionalidadi sarda podit essiri fatu a intru de su Stadu Italianu e de
s'Unioni Europea. S'autonomismu sardu est democraticu e serbit a arrayai sa
disugualidadi de su populu sardu cun is atrus populus. Serbit a sa
libertadi de is sardus e de totus is atrus ominis. Chini in nomini de custu
sentidu giustu intzitziligāt s'odiu cun atri no est unu veru sardu, est unu
maccu chentza domu.
Su treballu de sa Regioni in custa mungia est de no lassai is sardus a
sa sola. S'istitutzioni chi arrapresentāt s'identidadi e s'autonomia nosta
depit moviri custa batalla e conduxiri a totus in custa bia e depit
trisinai s'Universidadi, is iscolas, is provincias, is comunus.
Po primu cosa s'iat a depiri agiorronai sa ley pregonada de sa Regioni chi,
oi comenti est oi, est prus treballosa de cussa fata de su Stadu. Comenti
ley po sa limba est istada de importu, ma sendi unu compromissiu a intru de
is chi faint is partis a sa limba sarda e de is chi no funti ancu tanti
cunbintus, at amesturau e trotoxau argumentus e chistionis a fulliadura
chentza unu setiu chietu. At imbentau ordinėus, consultas e consillus chi
no si cumprendit beni a ita serbint. Iat a arrechediri in Sardigna una
ley prus simpli: in s'interis perou cumbenit a d'imperai su matessi. A su
propiu tempus iat a essiri mellus chi sa Regioni potzāt cuntratai cun is
duas universidadis sardas s'aberridura de is catedras de Limba e Literadura
Sarda. Custas iant a essiri s'arrelatu forti o donnia disinnu de nascimentu
nou de sa limba cun d'una calidadi e abilidadi chi sa scientzia feti podit
donai.
P.S. si ligant , a frebrigatzia, scedas e modellus de autus chi su Comunu
de Quartu Sant'Aleni at giai fattu o at a fai. E calincunu littera imbiada
de tzitaddinus a s'assessorau a sa limba sarda.
Ligau: CABUDU DE TOTUS IS CHISTIONIS
Ligau: UN'ASSESSORAU PO SA LIMBA IN QUARTU SANT'ALENI
Ligau: ITA AT FATU, ITA EST FAENDI, ITA AT A FAI
